Pantun mandailing SIALA SAMPAGUL Sahata saoloan Sapangambe sapanaili Satahi dohot dongan Maroban sonang pangarohai Songon siala na sampagul Sai rap tu ginjang rap tu toru Muda malamun saulak lalu Muda magulang sai rap margulu Muda sabara asa sabustak
Bope salumpat saindege
Hasonanganna so unjung manta
Bo baritana sai tarbege Tu dia on manoto
Taji ni manuk di rumbungan
Tu dia on binoto
Dapot di ari paruntungan Pangaritan pamonggolan
Obanon tu ranting ni bulu
Parkancittan pardangolan
Obanon tu jae tu julu Lasiak ni roburan
Bolas mardangka pe suada
Na sia panomuan Bolas markata pe suada Laklak di ginjang pintu
Singkoru tagolom golom
Maranak nian sampulu pitu
Marboru sampulu onom Siganda sigandua
Tu dangka ni singgolom
Na sada on gabe dua
Na tolu gabe onom Bintang na rumiris
Ombun na sumorop
Anak pe nian riris Boru pe torop Malos Dingin dingin
Na malos sarang banua
Horas tondi madingin
Ulang hita barang mangua MAGNUPA Habang ma langkupa Na songgop tu hapadan Niungkap ma pangupa Pangupa ni tondi dohot badan Nitampul ma hapadan
Na nitampul dohot horis
Pangupa ni tondi dohot badan
Upa horas upa torkis Niumpat ma diupa
Na malos di las ni ari
Niungkap ma pangupa Di hananaek ni mata ni ari Salak ni sibangkua
Putihon di las ni ari
Manaek sangap dohot tua
Songon parnaek ni mata ni ari Duri ni pangkat
Tu duri ni hotang
Tusi hamu mangalangka
Tusi dapotan pancamotan Alat Musik Mandailing DOSNIROHA MANDAILING
